Zondag 11 november 2018 09:00 uur
Roderwolde
Ontvang updates voor Roderwolde
Lest vruig mai ein ”wat is een Keurnoot?” Ik zee tegen heur: “gao der maor ies even veur zitten” en onder het genot van een koppie kovvie heb ik heur het volgende oetlegd: ‘In Drenthe hebben wai het Huus van de Taol. Dit Huus staait in Beilen en zörgt der veur dat de Dréentse Taol zoveul meugelijk bekend wordt. Deur het te spreken, te schrieven en te zörgen dat zoveul mensken weiten dat er een Dréentse Taol is (en het zul nog mooier wezen netuurlijk dat ok iederein dizze mooie aolde taol zul spreken). Daor bennen huil veul vraaiwilligers veur neudig en gelukkig bennen die der ok. We hebben in Drenthe maor ein Huus van de Taol. Net as een provinciehoes. De baos van het Huus van de Taol is de Taoldrost. Net as der maor ein Commisaoris van de Koning is, zo is der ok maor ein Drost. Hij moet er dus veur zörgen dat zoveul meugelijk mensken in contact kommen met het Dréents. Maor dat kan hij niet in zien eintie doun. Daor het hij hölp bai neudig en die hölp krig hij van de Taolschultes. In iedere gemeinte is ein Taolschulte. Maor ok die Taolschulte kan het niet alein, die het ok weer hölp neudig en dat krig hij of zij van de Keurnoten. In onze gemeinte Noordenveld is vanzölfsprekend ok een taolschulte en saomen met heur keurnoten zörgen zij der veur dat ok hier het Noord_Drents bekend maokt wordt. Der wordt veurlezen op schoulen in het Dréents, der worden stukkies in de kraant schreven en der worden toneilstukken worden opvoerd in onze eigen streektaol. Ok worden der Dréentse aovends holden en deur enkele mensken bennen der Dréentse gedichtenbundels of verhaolenbundels oetgeven.
Lees het volledige artikel bij de bron
Bekijk al het lokale nieuws van Roderwolde