Zondag 22 november 2015 15:25 uur
IJlst
Ontvang updates voor IJlst
’t Is wer foarby dy moaie simmer’, dat wie yn jannewaris 2015 it slotliet fan ‘Hotel de Botel’. In útfiering dy’t ús lang heuge sil. Wat in fleur en wille ha we hân mei ‘Hotel de Botel’ en wat in minsken ha der west! Mar de simmer is no echt foarby; op nei in nij stik en in nije útfiering. Set de data mar fêst yn jimme nije bûsboekje, it sil heve op freed 29 en sneon 30 jannewaris 2016. We ha wer in moai healwiis stik foar jim útsocht: ‘In rits te fier’ fan Jon van Eerd (bekend fan ferskate telefyzjekomeedzjes). Ek dit jier binne we op de kamping! By de gemeente komme in soad klachten binnen oer kamping ‘De Wielewaal’. De ynspekteur fan de gemeente komt del om te sjen oft de kamping foldocht oan alle easken. Mar it is nochal drok op ‘e kamping en wa is no de ynspekteur? Genôch stof foar in protte hilariteitJ. Wy binne los fan begjin septimber ôf en sille as in wyld troch repetearre om jim wer machtich moaie jûnen te besoargjen op 29 en 30 jannewaris 2016.
Lees het volledige artikel bij de bron
Bekijk al het lokale nieuws van IJlst