Woensdag 10 december 2025 11:03 uur
Rijssen
Ontvang updates voor Rijssen-Holten
In min vurigen column gung het oawer het book van Sandra Langereis oawer ‘Machineman’, ofwal Eise Eisinga, de man van het planetarium in Franeker. Achterin ’t book stoat nen besten plear vootnötten, en nommer 181 is dan indirect van belang vuur de historie van Riessen. De schriefster vertealt oawer de verkiezingen in 1795, as de Fraansken met genaraal Pichegru tehope met verbannen patriotten oawer de bevröaren rivieren Hollaand intrekt. In oonze contreien was dat generaal Van Damme. De patriotten harn een oetgebreaid netwoark en in bekaand alle plaatsen wussen de patriotten wat ze mossen doon: nen vriejheaidsboom potten, (ieskoold! 17 groad oonder nul…) een groepje kleane meaks blomen loaten anbieden an ’n Fraansken commandant, en nen omroper loaten mealden dat alle keals van eulder dan 25 joar dan en dan smoarns um 9 uur noar de grote koarke mossen kommen. In ‘Machineman’ wordt dan via vootnötte 181 de stad Hardenberg an eprezen umdat d’r een protocol van de patriot Riemsdijk bewoard is eblewen. Iej köant het complete protocol pardoes downloaden. (pakweg 40 A-viertjes). In Hardenberg harren ze nit zo gaaw stembiljetten, dus doar mossen de burgers éne vuur ene noar vuurten kommen en de naams van nieje bestuurders in ’t oor flusteren van de vuurzitter. Mer eerst gung d’r een comité met machtiging van de anwezigen noar het stadhoes um het oale bestuur vot te steuren. In Riessen gugn het dito klets, allenig mét stembiljetten en zóonder gefluster.
Lees het volledige artikel bij de bron
Bekijk al het lokale nieuws van Rijssen-Holten